لهذة الاسباب خسر الاهلى من الشرطة

sona · sona في الجمعة نوفمبر 28, 2008 12:27 pm

لهذة الاسباب خسر الاهلي من الشرطة

اولا : هارد لك هي حال الكرة .. واللعيبة دول يا ما فرحاونا
ثانيا : انا كنت متوقع شتيمة في اللعيبة والحكم وجوزية
ولكنني وجدت نقد هادف وبناء .. من جمهور لم ارى مثيله في عمري
ثالثا : لو قالو لي اختار وقت للهزيمة .. بس حعرف اختار وقت احسن من كذا
الصحافة سواء الاهلاوية او غيرها
اوصلت الاهلي للنهائي لمواجه مان يو
والفريق لسه لم يصل اليابان
والخسارة دي حتصحصح الفريق
رابعا : انا متوقع الاداء السيء بسبب لسه اللعيبة فرحانه بكاس افريقيا
ولسه الكل بيبارك لللعيبة
بس ما كنتش متوقع الخسارة ولا الشكل السيء لهذة الدرجه
خامسا : اللعيبة خلاص وصلت اليابان بعقلها وروحها وبقى الجسد فقط هو دا سبب هزيمة امبارح
اللعيبة خايفه تتصاب
مافيش لعب رجولي .. صدقوني لو مافيش يابان
وائل جمعه كمل المباراة عادي زي شربه الماية
بس لان فيه بطوله كاس العالم للاندية خرج
نفس الكلام ينطبق على احمد حسن
سادسا : جوزية اخطاء في وضع التشكيلة من البداية
حتى بعد شعور جيلبرتو بدوخه ادخل مكانه عبدالحميد احمد
السؤال هنا ليه راسين حربه صراح فقط في ماتش ضد الشرطة
انت عاوز الفرص تكون متساوية بين احمد بلال والعجيزي و درجبا عشان كاس العالم
تدخلهم الثلاثة في القائمة وتخرج فلافيو واسامة على اساس انهم خلاص ضمنو الذهاب لكاس العالم
نفس الكلام ينطبق على اينو ، حسين علي ، حسن مصطفى
اعلان العشرين لاعب وبقى ثلاثه كان خطا في راي الخاص
كان المفروض زي العادة الكل يروح حتى اللي ما يلعبش
نعتبره معسكر ثاني
سابعا : لعيبة الاهلي امبارح كانت تلعب على الواقف الكل يسلم ويوقف
مافيش تحرك بدون كورة .. مما سبب سهولة المراقبة
ثامنا : انا مش حتكلم عن التحكيم وفريقي سيء
رغم انني ومع صفارة البداية قلت لجنه التحكيم بتختار ليه حكام غريبين وخصوصا بعد اي ماتش لا يذاع بسبب النقل التلفزيون
الحمد الله ان ربنا تاب عليها والمشكلة تحلت
تاسعا : المباراة دي للعبرة ومش للنسيان .. ولازم تكون قدامنا لما نلعب في كاس العالم
عشان اللعيبة تلعب كويس
عاشرا : مش عاوزين ننسى في ظل الاداء الخشن من لعيبة الشرطة المبادرة الحلوة اللي قامو بيها المسؤلين في الشرطة من عمل احتفالية ولو كانت بسيطة للاعبي الاهلي .. هي دي الكورة .. مش اللي شفناها داخل الملعب